Pumanaw na ang 4th district representative ng Cavite na si Congressman Pidi Barzaga ngayong Sabado, April 27, ayon sa post sa kanyang official Facebook page.
Kinumpirma naman ito ng maybahay mg kongresista na si Dasmariñas City Mayor Jenny Barzaga.
Ayon sa naturang post, pumanaw ang beteranong pulitiko sa edad na 74 sa California, USA.
Naulila ni Barzaga ang kanyang maybahay at tatlong anak na lalaki na sina Kiko, Enzo at Third.
Nagluluksa naman hindi lang ang mga kamag-anak kundi ang mga mamamayan ng Dasmariñas City na nasasakupan ni Barzaga.
