May naging tugon ang content creator at may-ari ng Diwata Pares Overload na si Diwata o Deo Jarito Balbuena sa totoong buhay sa recent blog ng celebrity manager and content creator din na si Ogie Diaz.
Sa naunang post ni Ogie Diaz, matatandaang sinabi niyang masarap ang pares na tinda ni Diwata ngunit hindi ito para sa lahat.
“Okay naman. Hindi rin ganun ka-fabulous. Pero okay na for 100 pesos.For 100 pesos, okay naman siya. Pero may mga kaibigan tayo na hindi pasok sa panlasa nila,” ani Ogie. “Kaya naman pala dinadayo si Diwata.”
May naging tugon naman si Diwata ibinahagi ng vlogger na si SALOMO21.
Ang sagot ni Diwata, “Kung hindi mo gusto ang lasa… marami diyang iba. Hindi lang naman tayo ang nagtitinda ng pares.”
Dagdag pa ni Diwata, hindi niya pinipilit ang mga tao na bumili ng paninda niya at maaari silang maghanap ng swak sa panlasa nila.
