Kinilig ang mga netizen at supporter ng mag-asawang Manny at Jinkee Pacquiao sa recent post nila sa social media account ng dating senador at professional boxer sa kanyang Facebook page kung saan naka-tag pa ang kanyang esposa.
Halos langgamin ang dalawa sa kanilang pose kung saan naka-pink sweater at shades si Jinkee habang naka-army green and grey sweater naman ang Pambansang Kamao.
Hindi nakaligtas sa social media personality na si Senyora ang matamis na larawan kaya maging siya ay napa-comment ng tila nagbibigay ng sarili niyang caption sa kakilig-kilig na posing ng mag-asawa.
Nitong nakaraan lamang ay nag-post si Jinkee na siya ay nasa South Korea kasama ang dating senador.
